(قصة فراق )
هي قالت لا مفر
هو قال مالناش نصيب
هي قالت طعمه مر
الفراق لو من حبيب
بس هبعد غصب عني
لو دموعي هتملي نني
نظري أفضل لو يغيب
هو كابر غصب عنه
قال دي كانت غلطة منه
حب حد
اداله ود
وكل شئ قسمة ونصيب
هي مشيت من زمان
هو كان حالف يغيب
هي نسيت حب كان
هو كان مالهوش حبيب
كل حاجة بيشتريها
كان تمللي يشوفها فيها
كان حزين دايما كئيب
هو قال البعد ليه
هي قالت النصيب
كنت ملكه وبين ايديه
باعني ليه أجمل حبيب
هي شافت بس عيبه
هو طنش أي عيب
هي قالت مش هسيبه
الا لما يقول هسيب
بعد حبة هي ملت
من عيوبه وشافها كللت
حس ان وجوده عيب
وانتهت بينهم حكاية
والسبب كان م البداية
انه طنش اي عيب
ليست هناك تعليقات:
إرسال تعليق