- # افتقاد #
- افتقاد وجارى البحث
- عن المملكه المطلوبه
- يارب يتفك النحس
- وتترد الحقوق المسلوبه
- مش لايق عليا التفاهه
- محتاج فتره نقاهه
- قصه خابت والوضع ثابت
- ودخلت جوا المتاهه
- وبدور على شيء ضايع
- وايه سر الطعم المايع
- ماشي حواليه اتلفت
- شايف طريق طويل
- دماغى من الفكر خفت
- مش لاقي اى دليل
- كل ممر الاقيه مسدود
- وارجع وانا كلى برود
- اتصدم والامل ينعدم
- والاقى اليأس ليا مشدود
- بس بقول فتره مؤقته
- وهتتفك العقد المربطه
- واقول اجرب واشوف
- اليأس ليا مش مألوف
- ارجع للطريق بقلب جريىء
- وانزع من جوايا الخوف
- لازم بقى احاول واعاند
- واجرب اكون ع الامل ساند
- طالاما هدفى نبيل
- هحاول بكل اصرار
- مش هفضل عابر سبيل
- انا محتاج اوى استقرار
- #بقلم:شيماء الدالى#
السبت، 26 نوفمبر 2016
# افتقاد ##بقلم:شيماء الدالى#
الاشتراك في:
تعليقات الرسالة (Atom)
ليست هناك تعليقات:
إرسال تعليق