- كل عام وإحنا بنتمنى السلام
- ونقول هتفرج بكــــرة أحلى
- نلقى بكرة يـــــــا دوب كلام
- والهموم ســــــــاكنة وادينا
- والدمـوع جـــــــــوا المدينة
- والعيون باكية وحـــــــزينة
- والخـلاف أصبح خصــــــام
- كله دايـر ع الكــــــــــراسى
- أمتى ألاقـى الحـــــب راسى
- والوطـــــــن فـوق أم راسى
- واللى بينا الاحـــــــــــــترام
- قوم يا شيخ الحـــــارة أذّن
- الوطن بقى شئ يحــــــزّن
- وادعى كل همومنا تسكــن
- نفسى أصحــــى من المنام
- ألقى شعب بقـلب صــــافى
- والأمـــــــــــل بالحب دافى
- سيبنا من قولة تصـــــافى
- ويالله ننظر للإمــــــــــــام
- الوطـن بيضيع يــــا سيدنا
- والمحــــــــــــن جيّه بإيدنا
- أمتى نصحى مــــن سباتنا
- فوق يا شعب والله حـــرام
- استحـالة يكــــــون وطنّا
- راضــــــى ع الهم زارنا
- فوقــــوا يالله جى دورنا
- لو فضلنا فى الخصــــام
- التسامح قوم وســـــامح
- لاجل ما تبان الملامــــح
- كلنا فى الهم ســـــــــارح
- داللى باقى يا دوب حطـــام
- السنة الجية سعـــــــــــيدة
- لو لقينا قلوب جــــــــديدة
- فيها حب النــــــاس وليدة
- بالمحبة والســـــــــــــلام
- كل عام وإحنا بنتمنى السلام
- ونقول هتفرج بكــــرة أحلى
- نلقى بكرة يـــــــا دوب كلام
- الشاعر ناصر عبد المقصود
السبت، 31 ديسمبر 2016
كل عام\\\\ناصر عبد المقصود
الاشتراك في:
تعليقات الرسالة (Atom)
ليست هناك تعليقات:
إرسال تعليق