قصيدة شروقي بعنوان ...أرض السراة ..... وليد الأصفر ... ...................................

• 
  
• 
  
• قصيدة شروقي بعنوان ...أرض السراة ... بقلم زوجي ... وليد الأصفر ...
• ...................................
• بالأمس كنا سوا مع بعضنا أحباب ...
• وكان القمر بالسما للأرض مضويها ...
• وكنا بسن الصبا وقلبي بعد ما شاب ...
• وهيي الحلا والغلا وبالروح بفديها ...
• والعين عين المها والفم سكر داب ...
• ست البنات اللي ربي الحسن عاطيها ...
• والشعر متل القصب وخدودها عناب ...
• وشفاف متل العسل سبحان باريها ...
• وياما قلوب انكوت برمشها الخلاب ...
• وسهرت عيون اللي مروا بواديها ...
• وياما قصايد شعر عنها كتب كتاب ...
• 
  
• 
  
• تحكي على حسنها والناس ترويها ...
• مر الزمان وهجرنا الحب والأحباب ...
• وقلوبنا تبلدت من كتر ما فيها ...
• واليوم تعبت عيوني والدهر غلاب ...
• ودروبنا تبدلت حتى أساميها ...
• وين الشباب الهرب مني وفل وغاب ...
• ووين البيادر ووين الدهر خافيها ...
• ووين السواقي اللي كانت باردة في أب ...
• نشفت ويبس الشجر والطير باكيها ...
• ...............................
• يا ديرتي اللي ابتلت غزلانها بدياب ...
• وجاست وحوش الأرض فيها وضواريها ...
• خانك الأهل وأجرموا فيكي بدون حساب ...
• وعضوا الأيادي الأحسنت إلهن أهاليها ...
• وتأمروا علكي بعمالة والطبع غلاب ...
• ومشيوا بطريق الخيانة وارتموا فيها ...
• وظن الجبان الندل نفسو سبع بالغاب ...
• وصار الغبي الجاهل الكذاب داعيها ...
• ناديت رب السما يسخى ولو بشهاب ...
• يضوي عقول البشر والناس يهديها ...
• ويسود عنا اللي عقلو راجح وأواب ...
• وترجع لأرضي العدالة ونحتمي فيها ...
• ويخلا الوطن من النهاب والنصاب ...
• وتعود إلنا الأرض والكل يبنيها ...
• وتبقى المحبة وتترك بيتنا الأغراب ...
• وتبقى الديار بأمن والرب راعيها ...
• .....................................
• يا تاركين البلد يا أهلنا الغياب ...
• عودوا ربوع الوطن إلكن مغانيها ...
• عودوا لنا يا هلي للدار والأصحاب ...
• وتعطروا بالتراب اللي بأراضيها ...
• عميت عيوني بكا عفراقكم يا حباب ...
• والشوق يفري المهج والدمع ساقيها ...
• مافي ربوع بهالدني ومافي أرض وتراب ...
• يعلا على اللي بسوريا وأراضيها ...
• ...............................................
• وليد الأصفر
• 
  
• 
  
•