- (جمال مغرور )
- يا أم الجمال مسحور
- الحب مش دستور
- والعشق مش كوتة
- ولا كلمتين ونقول
- توتة يا حدوتة
- وقلوبنا مش محاريم
- ولا يقبلوا التقسيم
- ولا محتاجين نوتة
- والقلب لو حبك
- فالحب كله نصيب
- يا يكون ساكن قلبك
- يا تشوفى غيره حبيب
- لكن بلاش الغلب
- لو بعدى فيه راحتك
- فاخترتى ليه القرب ؟
- انا غير جنود ساحتك
- مش للهوان والسلب
- او أمشى على راحتك
- ووراكى زى الكلب
- يا أم الجمال مسحور
- شقى لحياتك درب
- حبى عيل فرفور
- يمكن يكونلك كلب
- لكن انا فما فيش
- أرجوكى ما تخليش
- جهلك يخليكى
- تأذى الأسد فى الحرب
- أنا مش هكونلك كلب
- #محمود_المزين
الاثنين، 20 فبراير 2017
جمال مغرور\\\\#محمود_المزين
الاشتراك في:
تعليقات الرسالة (Atom)
ليست هناك تعليقات:
إرسال تعليق