- (نايف بتاع بنات )
- كومنت ليها روعتك
- كومنت ليه كان اشكرك
- قالت جميلة ضحكتك
- قال ابعتيلى وانا أقبلك
- وبدون ما بتشوف البطاقة
- قالتله شكرا ع الصداقة
- فتحتله جوه القدر طاقة
- قال عمرى يوم ما هزعلك
- وابتدوا فى وقت التعارف
- اسمى سامية
- واسمى نايف
- نفسى مرة
- أبقى شايف
- نظرة عينيكى
- ومنظرك
- قالتله صورة ؟
- قال نفسى كام
- واتمنع حبة الكلام
- هى قامت
- هو نام
- قال مستحيل انى اخسرك
- وفتح رسالة وقالها
- انا باعتذر
- كان نفسه يوصف شكلها
- لكن خسر
- وضحك عليها بكلمتين
- سهران بافكر
- صوت حزين
- وايموشن الدمعة الغبية
- كان منكسر
- صعبت عليها دمعته
- فقالتله هيشوف شكلها
- فتحتله كاميرا وآمنته
- وطلع الخسيس سجلها
- هدد عفافها ابتزها
- كان كل يوم بيذلها
- تدفع فلوس بتسكته
- طلب الخسيس
- يوم عرضها
- قالتله بس حرام كده
- قال كل ده كان منها
- بتضيف شباب
- زى البنات
- وتخش ترغى
- بصوت وشات
- ومآمنه للدنيا
- وسنينها
- وبتسهر الليل
- بالساعات
- وبتقبل الااد
- والصداقة
- وبتكتب الكلمة
- برواقة
- لو مرة بصت
- فى البطاقة
- هتلاقى فيها
- أربع حاجات
- الدين
- يهودى وهقرفك
- الجنس
- عمرى ما أعرفك
- واللون
- هعاكسك وأوصفك
- والاسم
- نايف....... بتاع بنات
- #محمود_المزين
السبت، 18 فبراير 2017
(نايف بتاع بنات )\\\\\#محمود_المزين
الاشتراك في:
تعليقات الرسالة (Atom)
ليست هناك تعليقات:
إرسال تعليق