- (احذروا يا بنات )
- والكلام جر الكلام
- هو قال اسمى ابتسام
- من زمان نفسى فى صديقة
- على قدر كافى من العلام
- وابتدوا بالاحترام
- انتى عاملة ايه يا وزة ؟
- كل شىء ماشى وتمام
- وابتدت تناديها مزة
- ويا حبة اهتمام
- الكلام كان يبقى بينهم
- م الصباح حتى المنام
- وفى نهاية اليوم حبيبتى
- قايمة أصلى وباى سلام
- والساعات جرت ساعات
- والبعاد كان شىء محال
- هى تحكى فى ذكريات
- وابتسام فاتحة المجال
- كل يوم فيسبوك وشات
- زى ما تقول احتلال
- والحاجات جرت حاجات
- واتربط بينهم خيال
- حبة لما العشق زاد
- اختلط مجرى الكلام
- هى قالت م الوداد
- نفسى اشوفك مرة كام
- مش شاكة فيكى ان انتى واد
- بس نفسى يا ابتسام
- امحى حاجز البعاد
- واشوف حبيبتى ومش حرام
- واما ردت ابتسام
- اسفة اصلى فاتحة فيس
- الفيديو اصلا شىء حرام
- عاوزة اكون انسان حريص
- بس ممكن تبقى صورة
- هاتى صورتك تاخدى صورة
- ولا شكلك بنت حولة
- وخايفة اسيح للعريس ؟
- ضحكة طالعة من القلوب
- هى دابت فيها دوب
- كل صورة تجر صورة
- هى مش ممكن تتوب
- وابتسام تبعت بنات
- كان ما بينهم برضوا شات
- فجأة كل الحب مات
- وابتسام شنت حروب
- كل صورك جوه فولدر
- اسمه بنت من المجال
- بكره تبقى فضيحة وأكتر
- واكتب انك ناس شمال
- حتى صورتك البريئة
- اللى لابسة فيها شال
- شيلت منها حجاب حيائك
- وجوه حضنك فيه جلال
- هى قالت ما انتى صورك
- برضوا عندى و بيننا شات
- ممكن اعمل مية فضيحة
- واحكى كل الذكريات
- ابتسام ردت بضحكة
- انتى اصلا حد مات
- مش هتاخدى معايا سكة
- اسمى شوقى بتاع بنات
- يالا هاتى قوام فلوسك
- قبل ما اكون غشيم وادوسك
- صدقينى مش هعوصك
- بس اشوف القرشينات
- #محمود_المزين
الاثنين، 20 فبراير 2017
(احذروا يا بنات )\\\\#محمود_المزين
الاشتراك في:
تعليقات الرسالة (Atom)
ليست هناك تعليقات:
إرسال تعليق