قوافي الهدرة .. جبيلو ادريس
- قوافي الهدرة
- اليوم زمان النمرة
- والزواق تشوفه يغريك
- الكوكوت بلاصات الگدرة
- والصابون بلا شتاف بلا فريك
- كتر السبان بالعورة
- هادا يبيعك وهاداك يشريك
- لاتلومني ياالخو فالحضرة
- بالقوافي نجدب ونفريك
- زماني هرب بالغمرة
- وما بقيت بالمحبة نجاريك
- لاتسمع لقوافي الهدرة
- وتخلليها تاتر فيك
- لاتكون حمار ولا بگرة
- الريح اللي ساط يديك
- كون اتقل م الحجرة
- ميزانك م العجاج يحميك
- شعشع فالسما كي الگمرة
- وخللي العشاق يتغزلوا بيك
- الحب فيا وفيك فطرة
- والغدر زرعوه معاديك
- مابقات تطول العشرة
- واياك تطرشك يديك
- بقلم ادريس جبيلو
- المغرب
ليست هناك تعليقات:
إرسال تعليق