رحلة الموت
احمد صبري
-
بنصبح بسنين عمرنا
وبندفع إحنا واْهلنا
من روحنا ومن دمنا
وياريت بيبان عليكي
سيبانا وإحنا لوحدنا
ويقولوا العيب مننا
عايزنا ناكل بعضنا
وهما يبيعوا فيكي
-
إفتح تابوت البحر
اوصل ولا اغرق
هربان انا م القهر
لا قتلت ولا بسرق
عايز اْهاجر مصر
من كتر ما بتحرق
نار العذاب والفقر
بتغرب اه وبتفرق
-
غاوين نموت غرقانين
اْكيد مغصوب علينا
عايشين ومش لاقيين
مسئول بيحس بينا
تايهين كده ضايعين
وهما بيذلوا فينا
عشان كده راضيين
نرمي روحنا بإيدينا
-
صباحنا مليان ضحايا
ومسانا عجز وخراب
اْهاتنا قتلت صبايا
اْحلامنا دبحت شباب
وادي خلاصة الحكاية
زي ما قال الكتاب
صوت الالم جوايا
صادق ومش كداب
-
يا رحلة الموت خدينا
مالناش فيها مكان
وربنا العالم بينا
مافيش حقوق إنسان
رخيصة اْرواحنا هنا
والجوع بيولد جهلنا
مرضنا ينهش لحمنا
طول عمرنا بنتهان
احمد صبري
-
بنصبح بسنين عمرنا
وبندفع إحنا واْهلنا
من روحنا ومن دمنا
وياريت بيبان عليكي
سيبانا وإحنا لوحدنا
ويقولوا العيب مننا
عايزنا ناكل بعضنا
وهما يبيعوا فيكي
-
إفتح تابوت البحر
اوصل ولا اغرق
هربان انا م القهر
لا قتلت ولا بسرق
عايز اْهاجر مصر
من كتر ما بتحرق
نار العذاب والفقر
بتغرب اه وبتفرق
-
غاوين نموت غرقانين
اْكيد مغصوب علينا
عايشين ومش لاقيين
مسئول بيحس بينا
تايهين كده ضايعين
وهما بيذلوا فينا
عشان كده راضيين
نرمي روحنا بإيدينا
-
صباحنا مليان ضحايا
ومسانا عجز وخراب
اْهاتنا قتلت صبايا
اْحلامنا دبحت شباب
وادي خلاصة الحكاية
زي ما قال الكتاب
صوت الالم جوايا
صادق ومش كداب
-
يا رحلة الموت خدينا
مالناش فيها مكان
وربنا العالم بينا
مافيش حقوق إنسان
رخيصة اْرواحنا هنا
والجوع بيولد جهلنا
مرضنا ينهش لحمنا
طول عمرنا بنتهان
ليست هناك تعليقات:
إرسال تعليق