الو\\\\\\ابو رؤى قاسم الدوسري
- الو،،،
- وينك بابا شوماجيت
- گلت إنتظري،،،
- صارت مده ومارديت
- زعلَتك امي فد مرّه
- لو من عندي إغتاظيت
- شو ماجيت
- رحت اتجيب الشربت النه
- وتجيب بدربك جگليت
- سمعت الصوت الجان يدوّي
- گالوا تفجير إنرعبيت
- گامت آنه إتصب ادموعي
- تدري بموتك هم حسيت
- سألت أمي عن دموعي
- وسألتني جي ليش أبجيت
- محتاره ومفرفح گلبي
- مثل النار ،،جن شبيت
- يابابا الدنيا شگد ضيگة
- وماتسوه بدونك مليت
- شو ماجيت
- الو،،،،
- وينك بابا
- يوميه أروح ال مدرستي
- آنه وأحمد وسوسن أختي
- يسألوني عنك يابابا
- وين البابا،،أبجي شويه
- وارفع راسي،،،
- كتلهم ،،،هم حظي وبختي
- ومن ارجع وكت الظهرية
- أنتظرك تتغده ويانه
- ولوتدري يابابا الغالي
- روحي اعليك شگد ولهانه
- وأتمنى ترجع للبيت
- شو ماجيت
- الو،،،
- ابو رؤى قاسم الدوسري
ليست هناك تعليقات:
إرسال تعليق