- ،،سهرة حبر،،
- نام الليل
- مين قلك بنام
- مين خبرك بينسى الكلام
- الليل بيسهر بعيون البشر
- بسامرهن بنور القمر
- ليتعلم منهن الأحلام
- مين قلك الفجر بطل
- قبل ما جبينك يهل
- وبورود الياسمين والفل
- يهدي لقلبي السلام
- هيدا هو الليل بجمالو
- يلي بشعرك مخبي خيالو
- وكل ما بوجهك بيلمح هلالو
- بيسرق عن كتافك حرام
- كوني معو متل ما بدك
- الليل ما بفل من حدك
- وخبريه شو ما بدك
- فيكي تعملي ثوانيه حبر
- وتخلي ساعاتو بين ايديك اقلام،،علي ناصر،،
الأربعاء، 24 أغسطس 2016
،،سهرة حبر،،،علي ناصر،
الاشتراك في:
تعليقات الرسالة (Atom)
ليست هناك تعليقات:
إرسال تعليق