عروستنا مرهونة
دايزها لكلام
فستانها ابيض امنور
يا سلام
ؤ شربيلها اخضر امنعنع
كتبوا عليه الاقلام
كولشي يتمناها جنة
جنة ف فالاحلام
نظموا عليها
احسن الالحان
اتغناو بيها
ف كل جهة ؤ فكل امكان
غاب اعريسها
اتعاركو لعدول
انتظار الشهود طال
آش المعمول
هاد الشي ماشي معقول
اكثر عليها القيل والقال
حكاية
ما كانت فالبال
العالم حاير
هاد الشي محال
مسكينة
ادموعها على خدها
ضاع مسحوقها
اتروع قلبها
محال يرجع
كيف ما كان
محمد لمراحلي
فاس
ليست هناك تعليقات:
إرسال تعليق