- طمنى قلبك يامه
- .................
- ليه حزينة يامه
- ودمعك على خدك
- أنا ضحيت بروحى
- عشان يزول همك
- كان تفسى قبل الفراق
- تضمينى .. و أضمك
- واشبع دفا و أمان
- ويروينى حنان حضنك
- راضى بحكم القدر
- وكفاية إنى شهيد
- واللى قتلنى و غدر
- ياويله عذابه شديد
- طمنى قلبك يامه
- ربك عاطى وهاب
- رفعنى الى جنته
- وفتح رضوان الباب
- يا سعد قلبى يامه
- وملايكة زفانى
- لقيتنى من فرحتى
- بتمنى الشهادة تانى
- سلامى أمانة لاخواتى
- وصحابى وجيرانى
- وعلميهم يا غالية
- ان الوطن غالى
- وبلغيهم عنى
- حقى عليهم دين
- حقى يصونوا الحمى
- ومصر جوه العين
- يوحدوا الكلمة
- ويجمعوا الأمة
- ويلموا شمل العرب
- بدعوتك يامه
- ..........................
- ( أبويوسف صبرى )
الاثنين، 5 سبتمبر 2016
طمنى قلبك يامه**( أبويوسف صبرى )
الاشتراك في:
تعليقات الرسالة (Atom)
ليست هناك تعليقات:
إرسال تعليق