- الحب ....حياة
- الحب...للارواح راحة
- لو كان فى غابة
- او كان فى واحة
- مية الوفا ترويه
- ويقويه وصال وصراحة
- الحب ارض فلاحة
- تحضن توته وجميزة
- تضلل خلايق كداحة
- الحب زرعة معطرة
- وناس حلوة مقدرة
- وايد تاخد باليد
- فى ليالى قاسية جراحة
- الحب جيرة متاصلة
- بحبل الوداد متوصلة
- وولاد وبنات اخوات
- وقلوب مليانة سماحة
- الحب عشرة جميلة
- جناحتها خليل وخليلة
- وعيشة ولو على القد
- تخلى القلوب مرتاحة
- الحب اهل وخلان
- واب زراعه عرقان
- وام توزع الحنان
- على الكل بصبر وسماحة
- الحب شجرة طراحة
- الجدر واحد والفروع جماعة
- سارحة لفوق فى السما
- فوق الهامات لواحة
- الحب اعمام وخالات
- ونسايب عشرتهم قرابات
- وكبير باين زنهار
- عيونه للاصول لماحة
- الحب دار بالهنا دفيانة
- حاوية قلوب بالتقوى رويانة
- الكبير فيهم عطوف
- والصغير روحه بالادب زينانة
- الحب قبل اللى فات
- حب الله رب الحياة والممات
- وحب الرسول والصحاب
- ده اصل الحب بصراحة.......الغيث الوفير " فاروق الباشا مصر
الثلاثاء، 12 يوليو 2016
الحب حياة بقلم الشاغر الغيث الوفير
الاشتراك في:
تعليقات الرسالة (Atom)
ليست هناك تعليقات:
إرسال تعليق