- قصيدة بعنوان ...هب الهوى ...بقلمي
- .................................
- هب الهوى ولفحتني نسماتك
- سلبتلي عقلي وسحرتني نظراتك
- وحسيت قلبي طار مني ليك
- ومتل الشمع ما يدوب دوبتني بذاتك
- وحسيت روحي هامت حواليك
- وقلبي عم ينبض بنبضاتك
- دخلت القلب خليتو ملك إديك
- إنت أنا والروح مرساتك
- ............................
- وسكنت حتى داخل العينين
- ومتل النقش محفور وحياتك
- مخليني ليل نهار بسرح فيك
- صوتك بإدني وكل همساتك
- ناداني رمشك وأنا حنيت
- لما بعيني لمحت غمزاتك
- ولما بنظرات عيونك رميت
- واهديتني من الخد بسماتك
- ...........................
- أنا السفينة وغرقت بعينيك
- وإنت البحر جرفتني موجاتك
- ما بدي تبعد يوم بدي تضل
- عندي المنارة وتضوي شمعاتك
- هديتك محبة من القلب يا زين
- وجن الربيع وهداني زهراتك
- وصرت انا وياك أحلى اتنين
- إنت القصيدة وأنا كلماتك .
- .......................................
- ملك الأصفر
الأربعاء، 11 يناير 2017
.هب الهوى\\\\ ملك الأصفر
الاشتراك في:
تعليقات الرسالة (Atom)
ليست هناك تعليقات:
إرسال تعليق