- (لو كنت رئيس )
- كنت أشيل كل الحمير
- جوه بير
- اللى ماسكين الوزارة
- واللى بيبيعوا الضمير
- كنت همنع الحرير
- طول ما فيه مواطن فقير
- كنت هفرض الضرايب
- ع الحانات
- والقهاوى البارات
- ع السبكى وكل الرقاصات
- اللى هدوا كل جيل
- كنت هعمل مية وزارة
- للعلام
- والأساس كان يبقى تفهم
- مش بتحفظ فى الكلام
- كنت هرضى ميس تهانى
- واختها ميس ابتسام
- المرتب يبقى كافى
- لاجل شرح الدرس وافى
- مش تكروت والسلام
- كنت هعمل للفلوس
- ألف خط ومية مسار
- كنت هاخد مية قرار
- مش فيه ناس تملى الكروش
- وناس تعيش عمر فى مرار
- كنت هدفع بالدولار
- كنت هلغى أى لعبة
- تنطوى فى بند القمار
- كنت هفهم فى السياسة
- كنت همنع النجاسة
- كنت أخلى علم بلدنا
- نسر واقف...... ومعاه كراسة
- كنت هملى قلوب حماسة
- من حق أى شخص حر
- إنه يحلم بالرياسة
- كنت هحكم بالميزان
- كان يعيش
- كله فى أمان
- مش فيه ناس مش لاقية تاكل
- وناس تقولك بيس يا مان
- السلام يعنى الحنان
- يعنى لما حد يغلط
- يتحاسب لو مهما كان
- مش فيه ناس تغلط وتطلع
- وناس تدوق ظلم الزمان
- كنت هعمل كل خير
- كنت هاخد م الغنى
- لاجل ما يعيش الفقير
- اللى ضهره بينحنى
- وعايشها بسعادة وضمير
- كنت هعمل حاجات كتير
- كنت أخلى كل حلم
- كان صغير
- يكون كبير
- كنت أعامل بالتقدير
- اعذرونى لو كلامى
- كان طويل أو كان كتير
- أو حتى حلمى كان كبير
- عمرى مرة ما هبقى ريس
- وعمرى ما هكون بيه كبير
- بس كنت فى يوم مهيس
- وحلمى نايم فى السرير#ميزووووووووووو
السبت، 10 ديسمبر 2016
(لو كنت رئيس )\\\\\\\#ميزووووووووووو
الاشتراك في:
تعليقات الرسالة (Atom)
ليست هناك تعليقات:
إرسال تعليق