- قالوا ناس زمان مع يوسف الوجدي
- ********************
- قالوا ناس زمان...
- كثرة الصحبة تخليك بلا صاحب..
- تعوم فبحر بمواجو تتڭالب..
- تديك هنا و لهيه
- ترميك فكل جانب
- عييت ما نوصيك يا راسي
- بحقك ما طَّالب
- خليها لله
- فْدِيكْ الدار لازم نتحاسب
- فنهار الضحكة
- تلقى ناس واجدة فالباب طَّبْطَّبْ
- ملمومة.....
- تضْحك بْسَنَّة صفرا
- كلها ويقول مصنوعة مَنْ ذْهَبْ
- و الله لَعْجَبْ..
- ما اعرفت كيف نداويك
- يا لكبدة..
- عييت ما نكوي فيك بالمشاهب
- حشومة..
- عليك ،عييت ما نقرا..
- و نبعد من كثرة الصاحب..
- الساعة كدور الدورة..
- و نعطي لحق الصُّحبة واجب
- و نْهَار طِّيحْ الدمعة
- السوق يَخْوى وْ كُلشي هارب..
- ما تلقى لا صدر حنين
- لا جار بيك يرحب...
- قالوها ناس زمان..
- كثرة الصحبة تخليك بلا صاحب
- الكبدة محمومة..
- و القلب معذب...
- .............................................
- *** نهار الحزة ***
- بقلم
- يوسف الوجدي
- العاشق المجنون
الخميس، 8 ديسمبر 2016
قالوا ناس زمان م\\\\\ع يوسف الوجدي
الاشتراك في:
تعليقات الرسالة (Atom)
ليست هناك تعليقات:
إرسال تعليق