- ...............دهيمات الوردي .......................
- .....................كاس الحب ............الشعر الملحون
- كنت نقول عمري ما نعشق................الحب خلاص أنا سكرت بابو
- الدنيا تعرف بين لحباب و تفرق..........وشفت أنا واش صرا في صحابو
- العين تبكي والقلب مسكين يتحرق......وشبان صغار من الحب راهم شابو
- يا حليل من قلبو بحبيبو تعلق............ومن فراق حبيبو راه زاد عذابو
- أيا قلبي قتلك معندو مداك تعشق......خبرتك وصيتك مكان لاه تحل كتابو
- العاشق مسكين في حياتو مقلق.........وكثير مون كان الحب في لهبال سبابو
- تحاورت مع قلبي وأعطيتو كلامي.....وقعدت أنا نستنى كيفاه يكون جوابو
- جاوبني وتحدث معايا دخلاني ..........قالي بلي راهو زاهي مع حبابو
- أنا لحمة فيك ربي هو مون سواني......والحب حاجة مليحة ما حلى عذابو
- زرعتهم وردة في حمرة جناني ........وسكنولي بين لضلوع وعلى جنابو
- ثاني هوما قلبهم راهو يهواني............وفي هواء قلبك هوما ثاني ذابو
- عولت تخليني كي لحجر مقساني..........و الورق يلا حن يطيح على ترابو
الخميس، 22 ديسمبر 2016
.كاس الحب\\\\\\\\\\\دهيمات الوردي
الاشتراك في:
تعليقات الرسالة (Atom)
ليست هناك تعليقات:
إرسال تعليق