- ( ليه كده يا بنى)
- *************** ١٥ نوفمبر٢٠١٦
- ليه كده يابنى قاعد تبكى
- الدموع دى نازله ليه
- دا اللى خلاك يابنى تبكى
- ينزل الد م من عنيه
- طفل ف سن. مكانه ف حضن
- مش بيأن.. الرعب ماليه
- شامم ريحة الموت بتطارده
- امه وابوه ماتو على ايديه
- قال واحنا بنبص عليهم
- بنمصمص شفايفنا دا ليه
- والله حرام الحاصل فيهم
- والناس ديت ذنبها ايه
- ما الناس دية هما اخواتنا
- ما تشوف سيدنا النبى
- قال ايه
- اللى ما يغير لجل اخوه
- موش كامل اسلامه يا بيه
- مسلم ولا مسيحى يا عالم
- دمه ف رقبتنا ونحميه
- ليه كده يا بنى قاعد تبكى
- الدموع دى نازله ليه
- يا بنى سامحنى غصبن عنى
- متكتف ما فى حاجه ف ايدى
- انت ف عينى وجوه الننى
- وعروبتك ماشيه ف وريدى
- ظلم وطاغى ..وحاكم باغى
- بدعى انا ربى قوام يبليه
- يبعت له بعدله سبحانه
- نار من عنده تولع فيه
- ولا تقلب حتى عصابته
- تهد له ركنه ....ماتخليه
- بقلم الشاعر. محمد الشاذلى
الثلاثاء، 15 نوفمبر 2016
ليه كده يا بني *** بقلم محمد الشاذلي
الاشتراك في:
تعليقات الرسالة (Atom)
ليست هناك تعليقات:
إرسال تعليق