الصراحة حلوة )
عاوز اقولك
شىء مهم
قبل منك
كنت ميح
ما كنتش أعرف
اى واحدة
لا عاكست مرة
ولو تفاريح
كل واحدة
ليها حد
ما مشيتش مرة
مع اى حد
الزميلة
فى الدراسة
بره دراستى
كله جد
وانا مطلوب
منى انى اصدق
انك اول
مرة بتعشق
ولا تكونش
فاكرنى البت
المفعوصة دى
اللى اسمها جنات
وهقول ده حبيبى
ده احسن حد
وعنده بنات
الدنيا اخوات
اصحى يا بابا
ده انا فاهماك
شوف سيدهاتك
يالا هناك
فاكر سوسو
ودودو ولولو
فاكر فرحة
كمان بيقولوا
رميتلها شعر
من الشباك
لا يا حبيبتى
هى الناس
وراها ايه بس
غير الاشاعات
حبك اول
حب فى عمرى
وسامحنى يا رب
على الكدبات
بتقول ايه !!!!!!!!!!!
باقول وياكى
أحلى حاجات
بص يا روحى
اطلع م الدور
عرفت انا قبلك
واد أمور
بس بجد
يوم ما عرفتك
حتى فى حلمى
مش مذكور
طب ما تقولى
كده من بدرى
سايبانى اكدب
والوقت بيجرى
ايوه عرفت
بنات انا قبلك
بس ما فيش
ولا واحدة زيك
يبقى هنكدب
ليه وندارى
نلحق وقتنا
وقتنا غالى
ننسي الدنيا
اللى زمان عشناها
ابقى حلالك
وتبقى حلالى
ماشى يا قلبى
يا كل حياتى
هبقى انا جوزك
وتبقى مراتى
نرسم لينا
دنيا جميلة
ونعيش فيها
العمر الآتى
#ميزوووووووووووو
ليست هناك تعليقات:
إرسال تعليق