صوتى امانة
كنت فاكر ان صوتى قال امانة
وهيبقى عالى لما بيه اسد خانة
عملت ثورة لاجل ادلى بصوتى
قلت يا اما عيشة حرة يا اما موتى
والشوارع والحارات شافت هتافى
رددت ويايا ظلم بعد اليوم دا مافى
وانتخبت رغم انى كنت حافى
رغم ظلم الماضى لكن قلبى صافى
فى الصفوف وقفت رغم اختلافى
من فرحتى بكيت ونسيت خلافى
دارت الايام وقالم مش كفاية
فيه رئاسة ومجلس الشعب البداية
زى الاستفتاء زينت الحكاية
والنزاهة حققت لى اسمى غاية
قالو ا باقى الرياسة يا كياسة
ومجلسك باطل ومحتاج الرواسة
والغما والناف وساقية دى السياسة
دور ولف واحنا معاك يا ابو الحماسة
اما خلصت الرياسة وجه رئيس
قالو ا مرسى ده عميل خسيس
ولحماس باع البلد ابن التعيس
وحلايب للبشير بعود سريس
المهم شالو مرسى وراح فطيس
وانتخابى ضاع وتاه وسط الهويس
واتوصمت بالارهاب فى يوم خميس
واتقلت فى رابعة والنهضة عريس
ومن جديد را ح انتخب يا خلق سيس
قلت لا بعلو صوتى على كل فيس
ولقصيدة كتبت شعر من الزجل
صوتى مات من زمان وايه العمل
صوتى راح للى خان وباع الامل
صوتى لما قلته اديته لبطل
صوتى لما خسرت ضاعت الحيل
صوتى مش موجود فى دايرة
صوتى كل بنت بايرة
وكل شاب فى سوق العمل
صوتى مرارة دايبة بالملل
لما كنت فكر انى معايا حل
وان صوتى له معنى كان هبل
كنت فاكر الثورة هتمحى المعتقل
او انى يوم هديت فى الجبل
لما ضاع الحلم ومات الامل
وبقيت ايدى على خدى طب ايه العمل
سبتها للمولى واللى حصل حصل
ونفخت فى الغاب وكسرت القلل
وخالفت الصحاب وصاحبت الملل
لما املى خاب ولا عد ليش بدل
سفيت التراب لما ييجى لى عدل
لما الشعر شاب منى بالعجل
مصطفى قمر
ليست هناك تعليقات:
إرسال تعليق