الحق مات وإندفن
والظلم رافع رايته
ماكفايه نوم ياتاريخ
قوم إحكي ﻹبني حكايته
قول إنها فلسطين
وإنها عربيه
أولى القبلتين
مش أرض صهيونيه
قوم إحكي بقى يا تاريخ
قول إحنا نبقى مين
من مولد صﻻح الدين
للنصر في حطين
الحق فين ياعرب
ميت مالهش وجود
ماتت اسود العرب
وعاشت كﻻب تنبح
تنبح وفين الحق
لما في دمي بتدبح
الديب بييجي ع الدم
حسب إتجاه الريح
مقضي في سوريا ربيع
واﻻقصى شتا وخريف
مين اللي قتل الحق
في امه زعيمها محمد
مين اللي بدل خالد
بتامر وفكر مهند
يابن الوليد أسفين
متشكرين لجهادك
سيفك المسلول
بقى ماضي في تاريخ امجادك
فرسك وسيفك ضاعوا
والذل دام ﻻحفادك
ضاعت قلوب العرب
وإتبدلت بصفيح
أنا اخويا كان صدام
بصدره يقاوم الريح
اسد يشوفه الكلب
يبطل صراخ ونبيح
اوصفها بس ازاي
وازاي اقولها ياربي
نبحت كﻻب العالم
قالت ربيع عربي
الكلمه زي السيف
من ضهري معدي وقلبي
إزاي ربيع عربي
بمساعدة أيادي الغدر
تغدر بسوريا اليوم
وعراق ومصر الغد
ده مش ربيع عربي
ولا جووه حتى بتاعي
ضحكو عليكي يا أمه
وعطوكي جو صناعي
قالو الربيع ونسيمه
موجود في مصر في رابعه
روحت أقضي يومين
أو خمسه أو سبعه
أمشي أروح على فين
واشكي لمين حالي
ربيع ده وﻻ ريح
تفرق في كل احبابي
علي اليمين عمي
وعلى الشمال خالي
ده يشاور بكف اﻹيد
والتاني يقول إرهابي
وصاحبي وأخويا جنود
ماسكين سﻻح آلي
شايف في عينهم ألم
صعبان عليهم حالي
عﻻء رجب
ليست هناك تعليقات:
إرسال تعليق