- قصيدة بعنوان " لسة فاكر "
- كنت فاكر خلاص نسيتها
- ونسيت ف يوم اني حبيتها
- لكن ياقلبي لسة فاكر
- غرامها وضحكتها
- لسة فاكر يوم لقانا
- وطلعة الشمس ف سمانا
- منورة حبنا
- بلون فجر الربيع
- ورد فتح ف الجناين
- بلون بديع
- وزهر غصنه سارح
- بيغري الجميع
- ساعتها كنا بنحلم
- نضيع
- نتوه يوم يومين
- اسابيع
- ايدها ف ايدي
- وكنت انا ليها
- طفل رضيع
- لسة فاكر وفاكر همسها
- لما كانت تقولي
- ان انا عشقها
- وغرامها وحبها
- وانا قلبي دايما
- كان بيحسها
- لما كانت ف حضني
- تيجي تشكيلي همها
- هي ف قلبي لسة بحبها
- بحبها
- صورتها قدامي محفور
- ف عقلي اسمها
- ضحكها لمسها عنيها
- نظراتها كلها
- نغسي اشوفها أضمها
- ولو لثانية أكون ف حضنها
- وبعدها
- ارجع اعيش على ذكرآها
- وﻵخر عمري افضل اعزها
- وأنسى روحي
- انسى روحي
- وانسى عمري
- ولا أنساها ولا انسى حبها
- خالد عبدالناصر العبيدي
- 18/8/2016
الخميس، 18 أغسطس 2016
لسه فاكر *** خالد عبدالناصر العبيدي
الاشتراك في:
تعليقات الرسالة (Atom)
ليست هناك تعليقات:
إرسال تعليق