مستبدة \\\\ناصر عبد المقصود
- مستبدة واحتلالك شكل تانى
- مش هأقول حـــــــــرية أبداً
- نفسى أعيش محتليــــــانى
- بصى شوفى فى كــــل حتة
- الاحتلال مرســـوم عشانى
- ياللى جيشك كان مشاعرك
- والسيوف رمشك وشعـرك
- شدتينى الليل فى بحــــرك
- لمـــــا أصبحتى فى كيانى
- قلبى كان فارس ومـــاكن
- لما شافك طب ســـــــاكن
- وارتضاكى يا حلوة لكــن
- خــــــوفه منك شكل تانى
- لسه خايف مـــــن رحيلك
- هو فيه فى الكـون بديلك
- كملى يا حــــــلوة جميلك
- احتلالك خير وجـــــــانى
- وعد منى لــــــــو ناديتك
- بالرحيل أوعــــاك تمشى
- الكيان جــــــــــوايا بيتك
- وبدعى ربى ما انحرمشى
- نفسى أعيش العمر كــله
- احتلالك زاد حنـــــــــانى
- اسمحيلى أكــون أسيرك
- هو فيه فى الكون مثيلك
- أوعى أسمع يوم رحيلك
- مستحيل يهتف لســـانى
- إلا إنـــــــــك تبقى جنبى
- تضحكى براحتك فى قلبى
- أنت عمرى ومش هأخبى
- باحتلالك عـــــــاش كيانى
- مستبدة واحتلالك شكل تانى
- الشاعر / ناصر عبد المقصود
ليست هناك تعليقات:
إرسال تعليق