حب خيبة )
بحق الجرح والدمعة
والبعد والغيبة
لتغرب شمسى لو طالعة
وترجع ضحكتى غريبة
بحق الكلمة والملكوت
لاحط القلب جوه تابوت
ولو كان البعاد فيه موت
هسيبك وأدفن الطيبة
يا ساكنة القلب وقريبة
معاكى الضعف كان خيبة
نزلت فى بحر أوهامك
غرقت وغرقت الهيبة
سكنت إيجار فى أحلامك
دفعت شبابى والشيبة
ما عادش لقلبى ده حبيبة
ولو كل الصبايا انتى
خلاص هونتى
وزى ما بعتى او خنتى
هبيعك حتى لو عيبة
يا ابعد واحدة وقريبة
ما عادش القلب يشتاقلك
بقيتى فى معجمه غريبه
ما عادش بضحكه يخلقلك
بحور م الجنة والطيبة
بحق القلب وغلاوتة
لتجنى الجرح وقساوته
ولو فى هواكى يتفاوتوا
هيفضل حبى كان خيبة
ليست هناك تعليقات:
إرسال تعليق