الخيانة*** بقلم الاستاذ الشاعرمحمود القاسمي

لكل من خان الوعود ونسى الماضي.....
قصيده بعنوان(الخيانه)اتمنى ان تنال رضاكم.

قراري وي الزمن مااحجي وياك وﻻريدن لساني يطخ لسانك.
وﻻريدن عذر منك وﻻسباب وﻻريدك تدفيني بحنانك.
وضح كلشي وضوح الشمس وياك وتبين غشك وغش اعتذارك.
ﻻتزعل عليه انوب يفﻻن من اتشوفني اتمشه وي غيرك.
تذكر من جنت تتمشه عالكاع تذكر من اكلك ودي اشيلك.
وتذكر من اكلك اني احبك موت وﻻقاوم حبيبي كبال عينك.
وتذكر من اكول اعيونك اوساع وتحت عيونك من الماز خدينك.
وتذكر لو ردت مني طلب شيصير؟ اتعنه الك وزحوف اجيلك.
كل هذا التعب والسهر والشوك يصير تراب فجأه حدر رجلينك.
حرام سنين عمري الضيعته وياك وحرام تصير لعبه ابين جفينك.
ماريدك بعد بس ردت منك شي اريدن كلبي ظل يمك يلوليلك.

بقلمي..محمود القاسمي