- سلفنى عكازك
- أدوس بة ع الألغام واعديلك
- وشوشنا لما هتترسم ع الغيم هتبقى انت الجميل
- انت اللى خالى من العكارة
- انت اللى بتحطم تماثيلنا الحجارة
- انت اللى رافض من زمان تبيع عزالك ف المزاد
- وفضلت تتمرغ فى دمك وانت حاضن بالقوى البلاد
- شايل فى قلبك حلمها وماشى تعرج ع الخريطة تلمها
- وتكتب لها بدمك نشيد واقف براقبك من بعيد
- وعشان ما تحرجنيش عاطينى تمللى ضهرك
- بس صدقنى انا شايل نص قهرك
- وانت شايف كام جندى ع الحدود
- مانعيننى ادحرج لك مشاعرى ف قنبلة،
- مانعيننى احط عنيا ف سلاح القوة ( طلقتين )
- بينى .. وبينك .. خطوتين
- بس القانون حاططلى فيهم ميت لغم
- ومش هعدى سليم بدون ما تجيب لى عكازك
- سلفنى عكازك .. أدوس به ع الألغام واعديلك
الجمعة، 27 أكتوبر 2017
سلفنى عكازك+++++ مجدي صالح
الاشتراك في:
تعليقات الرسالة (Atom)
ليست هناك تعليقات:
إرسال تعليق