- ++++++ بياع قلوب +++++++
- شايل مخلتي بيدي و داير بالبلاد سواح
- أزعق أنادي ع الخلايق للعاوز قلبه يرتاح
- بياع قلوب أنا و للهناء معي القلوب ملاح
- قلب يلمك و يضمك و يضمد ليك الجراح
- قلب يهني يبارك و يشاركك في الأفراح
- و قلب لحزنك يطبطب تلاقيه كمان نواح
- و قلب جامد و جاحد للي خانك و البواح
- و قلب حزين مارد نوحي لو للحزن ترتاح
- و قلب يلعب بالحبايب و يبدلها كل صباح
- و قلب طيب جميل مليان رضي و صلاح
- و قلب على الحب يدور باحث عن الأفراح
- و قلب للحزين مظلوم يحمل عنك الجراح
- و لقلبي ما أنا بايع أصله في الحب فواح
- ما في حبيب يقدره و لو بالغ في النواح
- صبري كامل .
السبت، 23 سبتمبر 2017
+ بياع قلوب +++++++صبري كامل .
الاشتراك في:
تعليقات الرسالة (Atom)
ليست هناك تعليقات:
إرسال تعليق