** ( حيرة عاشقه ) **
- ليه تروح تقول للناس ، إنى خلاص
- نسيت معاك معنى الإخلاص ؟
- إنت كنت ف قلبى دايم - ايه غيّرك ؟؟
- طاير ف كل الكون تصاحب
- كل طير- بيسهرك ، وبيتعبك !!
- وخنت قلبى ،وبعت حبى ؟
- ليه نسيت كل الوفا ؟
- وابتديت زمن الجفا ؟؟
- كنت دايما جوه قلبى ،
- من زمان أنا صنت حبى !!
- من زمان صبّرت قلبى ،
- وقلت له ، مسيره يوم يرجع
- يصالح ،لما يعرف غلطته !!
- ها ييجى يوم يرجع لعشى ،
- ويقول ياريت ترضى برجوعى ~
- يومها راح تنزل دموعى ،
- إنما - هل راح أسامحه ؟
- إنما - هل راح أصالحه ؟
- وانسى ظلمه وانسى غدره؟
- وانسى أيام الأنين ؟؟
- وانسى دمعة عين داريتها -
- عن صحابى وعن حبايبى !!
- إحتمال ممكن أصالحه ،
- بس يرجع ويراضينى !!
- يومها أرتاح من أنينى ،
- يومها راح يرجع حنينى ،
- ونبتدى نعشق حياتنا من جديد ؟!
- ..........................................
- ليالي أحمد الأسعد
- 20 سبتمبر 2016
http://balsamalsherwaleelam.blogspot.com/2017/09/blog-post_66.html?m=1
ردحذف