خاطرة،،،،بقلم خالد الجمل

... خالد الجمل...
ولا حد محتاج لكلامك
ولا حد بيحس الجرح
كون نفسك وبلاش اوهامك
انسي احزانك عيش الفرح
عيش الدنيا بدون اصحاب
اقفل بس عليك الباب
صدقني هتعيش مرتاح
مع ربك هتكون في براح
والرحمه متكنش سراب
دا ربك رب الالباب
عيش وانسي وبلاها حساب
عرض وطول مشورها الدنيا
ولاتاخد غير المقسوم
ولا صاحب بيقول انا صحبك
ولا وقفه منه بتدوم
يمكن جدا دا لمصلحته
مليون غيره وصح النوم
ماهي دنيا في الاصل مصالح
ولاتحزن الحزن هموم
اصل بتكبر قبل اوانك
لشبابك بتكون محروم
بس الاول حاسب نفسك
هي رجولتك اصلها نحسك
ولا الخير قل من الدنيا
والله في ناس اصلها مهدوم
اسكت اخرس ولاتتكلم
ابعد عني كمان ماتسلم
حط في قلبك كل همومك
وابعد عني وفيها اتألم
هو انا نقصك يااسمك ايه
هتخدنا في دومتك ليه
ابعد عنا وبلاش ارفك
ماهي غربه والاصل في تيه
مصلحتي وخلصت وياك
والي انا عايزو اخدته معاك
عيش او موت مش فرقه معايا
وانشالله تصبح في هلاك
عيش او موت مش فرقه معايا
وانشالله تصبح في هلاك
... خالد الجمل...