##مملكش غير احزان##،،،شيماء الدلى

##مملكش غير احزان##
ايوه انا اللى ببتسم
وجوايا بقا المرار الوان
على وشى الفرحه بتترسم
بس مملكش غير احزان
انا اللى اسمى الغريق
اللى متعلق فى اشايه
ومش لاقيه ليا طريق
انوى فيه على بدايه
انا اللى مفهومه غلط
والسبب بيكون هوه ظروفى
كلام الناس رمى زلط
وبيزيد جوايا ياناس خوفى
ماشيه فى دنيتى بتخبط
وفى شئ فيا مش موزون
عايزه على الماضى اشغبط
وياريت احسن لنفسى الظنون
بس لينا رب وموجود
والشكوه إليه بتريح البال
اللى رحمته فوق الحدود
وبيغفر ذنوب صعب تتقال
نفسى فى حد يعرف يفهمنى
ويرسى بيا على شط نجاه
وبعقل وحكمه يقدر يعينى
ويساعدنى اتعلم معنى الحياه